東京馬拉松之旅~出發篇

終於捱到2月尾了！

2011年可算是黑仔的一年，2月份經歷多個難關，依家只淨番最後一個挑戰-- 「東京馬拉松．十公里賽」。雖然跑十公里對我來說應該無乜難度，但因為是第一次去海外參賽，加上日本2月份應該仲係幾凍吓，所以心情都有ｄ緊張。

(嘩！只有10度左右，咁凍唔知跑唔跑得郁呢！)

東京馬拉松之旅~行程篇

去年10月膽粗粗報了「東京馬拉松2011」賽事，上個月終於收到大會寄來的跑手包領取通知書。這意味著很快便到了「東京馬拉松」(2011.02.27)的大日子了......

香港渣打馬拉松2011 (半馬)

第一次跑半馬，總有點緊張，加上前一晚落雨就更加擔心是否能順利完成賽事。
可能因為潛意識的擔心，所以瞓到半夜(約凌晨4:00)竟然右腳小腿抽筋，痛到我瞓著咗都成個彈起身。搽了按摩膏後，便再度入睡。但小腿始終抽住抽住，瞓得不太好！

一早起來(6:00am)，見到沒有落雨，內心便定了一半，Thanks God!
由於我是半馬第二組(9:15am起跑)，故我一早起身，吃過早餐便出發去起跑點。出發前聽新聞，知道十公里組有人跣倒，可能因為清晨時份下了些毛毛雨啦！

約7:45am到達尖沙咀，當時全馬選手已出發了，只剩下半馬選手；故路面人不多，我面趁機到處拍照。

(一出地鐵站便有指示了)

(封了路，所以可以在馬路上行及拍照。地面是濕的，可見剛才下過雨) 

 
(雖然有不少廁所，但差不多起跑前，去廁所是要等)  

(嘻嘻！呢兩隻大跑鞋好受大家歡迎！)  

距離開跑約一小時(約8:00am)，我便寄存行李、熱身，準備人生的第一次半馬賽事 (可能亦是唯一一次)。昨晚抽筋，到起跑前右腳小腿仍有少少扯住扯住，真係要好好做熱身，拉吓筋先得！好幸起跑時，右腳小腿已無太礙。
據聞十公里及全馬開跑時有毛毛雨，慶幸到了半馬開跑時已沒有雨了！氣溫大約17度，濕度約85%，雖然濕度高了點，但沒有太陽、不算太熱又不太凍，算是適合長跑的天氣。

 　

 

(換好跑衫，整理好寄存的行李)   

 

 
(這便是我寄存行李的行李車～終點見！)

(差不多開跑，去等候區準備吓先)

(各位選手都準備就緒)   

大會準時9:15am開跑，起跑初段感覺尚算良好，但始終跑街與平時在球場練跑的感覺不同。當跑到約10km時，開始感到左腳腳掌有點痛；跑得咁辛苦，真係要「賴地硬」。

好不容易捱到西隊口，已經跑了一個半小時有多，開始有點肚餓，可能因為今日太早食早餐，所以十時左右就餓了，但係全程最困難的路段依家才開始。

跑了長長的一段西隊，到跑出路面時是一段長長的上斜路段，由於我真的體力不繼，故只真的跑不了，只好以快步行的方式行走。到落斜才再跑，之後仍有不少上上落落的路段，原來最後6公里係最「甘」的！有無搞錯呀!!?臨尾仲有咁多上斜路段，咁即係想我放棄啫！

之前練跑時，我最多只跑到18km左右，從沒試過能一口氣跑到21 km。當時心想，尚欠3km，到正式時應該可以憑意志跑埋去。點知原來尾段咁多上斜位，真係唔知去邊度搵咁大意志撐下去?

終於過了灣仔，進入銅鑼灣最尾2公里，雖然那段路已沒有上斜，但馬路兩旁的食店傳出陣陣的魚蛋河香味，對於當時肚餓的我來說，簡直是一種折磨。既然有得聞無得食，咁唯有跑快ｄ離開呢魔鬼的誘惑路段。

Yeah！終點在望，終於跑入維園了！最後100m，拿拿聲跑埋去闖線，咁就可以早ｄ去搵嘢食啦！最終我以大約2小時11分完成人生的第一次半馬賽事，比起目標2.5小時快！

(花了2小時10分鐘06秒才完成21KM的半馬賽事)

(大會向完成賽事的選手派發禮物包及水果) 

(禮物包內有撒龍巴斯、麥果BAR及運動飲料) 

完成賽事後便去取回行李及會合朋友去食番餐勁嘅🍚🍜🍸🍴！

 

 (朋友跑全馬，我跑半馬) 

(每位能完成全馬的選手衝線時均可獲獎牌，但跑半馬就沒有份)  

其實在跑的中途，我有幾次諗過放棄，但最後能堅持到低，實在要感謝主🙏！

- 好彩無落雨，又不太凍不太熱，天氣合宜
- 好彩小腿是前一晚抽筋而並非長跑中途抽筋
- 好彩麻煩親戚無來搞搞震，身體狀態算係理想
- 好彩有好多朋友為我長跑之事代禱，而 主又肯垂聽他們的禱告......
總之今次能有滿意的成績全歸功於主！