四葉妹妹renew版

2013.08.25

四葉妹妹又出新Figure公仔！

上次那盒是要自己動手砌 (我仲未砌)......詳見: 四葉妹妹第三代

今次是不用砌，而且都係可以換表情的，當然要第一時間「私有化」佢啦！

(今次renew版，可以說是第一代及第二代的混合版。)

四葉妹妹第三代

2013.03.17

近排唔知係唔係因為天氣潮濕，個人總係“攰拉拉”、“懶洋洋” 、 “笠笠籮”咁，做乜都提唔起勁！

唔得，要買Ｄ嘢氹吓自己先得…… 買咩好呢?
買零食?!! No way, 怕肥！

買漫畫?!! 早前買咗兩本都未睇……

Yeah! 今日行商場竟然被我見到新出的『四葉妹妹』figure公仔，就買佢啦！

睇吓幾錢先……吓～HK$218！！咁貴?!!

係就係貴咗Ｄ，不過應該Ｄ關節可活動，所以我雖然當時無即時買便離開了，但最後都行番轉頭，買咗佢返屋企！

(第一件事當然係要四葉妹妹三代同堂大合照啦)

One More四葉妹妹

2009.08.04

自從買到「四葉妹妹」第一代figure公仔之後，就好想買埋第二代(Delux暑假版)，可惜第二代是2008年8月出產的，依家事隔成年，好多地方都已經無得賣。

上星期在網上見到銅鑼灣一間玩具鋪有「四葉妹妹」第二代賣，o拿o拿林打電話問仲有無貨。佢話有，不過依家店舖無！咁即係有定無呀？於是我留了手提冧巴，叫他有貨就call我！

第二日，那店鋪call我話件貨到咗。.....吓，真o架！

快ｄ放工啦，我要飛奔去買第二代四葉妹妹呀！等待的心情既緊張、又興奮，我諗我仲開心過接新娘呀...... 

(Yeah！終於買到手喇！ 呢盒就係四葉妹妹第二代喇！)

終於買到"四葉妹妹"Figure喇！

2009.07.12

四葉妹妹真係好可愛，她不但好天真、好傻，而她那股單純的傻勁及對每樣事物的好奇與認真實在太搞笑了！