四葉妹妹第三代

2013.03.17

近排唔知係唔係因為天氣潮濕，個人總係“攰拉拉”、“懶洋洋” 、 “笠笠籮”咁，做乜都提唔起勁！

唔得，要買Ｄ嘢氹吓自己先得…… 買咩好呢?
買零食?!! No way, 怕肥！

買漫畫?!! 早前買咗兩本都未睇……

Yeah! 今日行商場竟然被我見到新出的『四葉妹妹』figure公仔，就買佢啦！

睇吓幾錢先……吓～HK$218！！咁貴?!!

係就係貴咗Ｄ，不過應該Ｄ關節可活動，所以我雖然當時無即時買便離開了，但最後都行番轉頭，買咗佢返屋企！

(第一件事當然係要四葉妹妹三代同堂大合照啦)

八八掛掛的四葉妹妹(第一及二代) 即刻出嚟湊熱鬧……

 

 

 

 

原來今次的四葉妹妹係好似模型車咁，要自己砌，今次真係有排搞。

都係留番復活節假期才慢慢砌，依家首先同個盒及Ｄ配件拍照先！

 

 

 

 

(睇見說明書咁多版就知今次有排搞)

 

(最後仲要買油彩上色添，咁大工程，我都無咩信心整得靚......)