終於買到"四葉妹妹"Figure喇！

2009.07.12

四葉妹妹真係好可愛，她不但好天真、好傻，而她那股單純的傻勁及對每樣事物的好奇與認真實在太搞笑了！

上星期無意中在一個Blog友的網誌上看到他以超筍價買到"四葉妹妹"Figure公仔，於是便心郁郁想擁有一盒。可惜Blog友只記得那兒是地舖，卻沒有詳細地址，故只好上網搜尋，但只見到一ｄ討論區話石硤尾街市附近一間玩具店有售(我都唔知係唔係Blog友那間)...... 

於是星期六放工後便約埋細家姐一齊去石硤尾找，碰碰運氣！

在三號風球懸掛之下，我哋大約2:00pm去到石硤尾街市附近，行了不久便見到一間店舖叫"玩具特賣場"，但竟然是落了閘！唔通執咗笠!?

 

於是我向隔鄰的五金鋪詢問，而老闆話：平時佢11:00am就開咗囉喎，咁晏都唔開可能今日唔開鋪啦！

吓！專程放工過來，竟然要吃閉門羹，too bad!! 正打算離開時，回頭一看......咦，竟然見到有人在玩具店門前準備開閘!? 噢！原來玩具店一向都係2:00pm才開門做生意o架！隔離o個阿叔老點，差ｄ俾佢搞到我miss咗呢間玩具鋪添！

見玩具鋪的老闆娘開了門，我們便二話不說入去問佢有無"四葉妹妹"figure公仔賣？佢指一指架上......Yeah, that's what I want!

正當我o地心大心細，考慮緊好唔好買兩盒(一盒用來影相，一盒用來收藏)時，老闆娘話只係賣淨兩盒，所以便扑鎚買哂兩盒。

嘻嘻！最後兩盒"四葉妹妹"特價貨都俾我哋買到～～ Lucky!

(以特價$45買到一盒山口式figure公仔，超底呀！)

之後我哋就嚮店鋪門口影相，但可能因為三號風球，當時條街真係好大風，好難影得靚。老闆娘見我哋搞咁耐，便出來給了我們一張"四葉妹妹第二代Figure"的單張！Wow...so cute! 可惜老闆娘話呢款Figure公仔無貨丫，否則我可能會買埋佢!

(老闆娘送給我們的"四葉妹妹第二代Figure"單張)

第一代四葉妹妹figure只有一款表情給替換，而我最喜歡四葉妹妹的咪起眼大笑的樣子卻欠奉。唔緊要啦！反正四葉妹妹憤怒的表情亦相當搞笑。I love that, too!

 

(盒的側面及內裡的配件)

(盒的正、背面及盒內的單張)

當日回家前，我同細家姐已急不及待開了其中一盒，即時帶四葉妹妹到處取景影相。相信未來幾日我都會忙於為四葉妹妹拍照了。