One More四葉妹妹

2009.08.04

自從買到「四葉妹妹」第一代figure公仔之後，就好想買埋第二代(Delux暑假版)，可惜第二代是2008年8月出產的，依家事隔成年，好多地方都已經無得賣。

上星期在網上見到銅鑼灣一間玩具鋪有「四葉妹妹」第二代賣，o拿o拿林打電話問仲有無貨。佢話有，不過依家店舖無！咁即係有定無呀？於是我留了手提冧巴，叫他有貨就call我！

第二日，那店鋪call我話件貨到咗。.....吓，真o架！

快ｄ放工啦，我要飛奔去買第二代四葉妹妹呀！等待的心情既緊張、又興奮，我諗我仲開心過接新娘呀...... 

(Yeah！終於買到手喇！ 呢盒就係四葉妹妹第二代喇！)

(同個盒360度影番張相先！)

(點解有罐汽水?  )
(....因為去買的途中見到汽水公司做宣傳，免費派汽水...Lucky!)

(新、舊四葉妹妹大合照)

(剪綵喇．．．開盒喇！)

(嘩！好多配件呀！仲有好多個四葉妹妹的表情添！)

(個盒裡面張咭仲可以用嚟做背景添！)

(你睇！藍天白雲下的四葉妹妹特別開心......)

(我最鍾意四葉妹妹笑到咪起雙眼的樣)

(嚟個close up先......笑...!)

今次呢盒figure公仔沒有特價，要成HK$180/盒。對於平時吝嗇的我來說，可以話係轉死性、破天荒咁豪。大出血之後，睇怕呢個月都要勒緊褲頭，餐餐帶飯/捱麵包先得 lu...

你仲笑得咁開心!? 為咗你......搞到我呢個月無飯開喇！