2010日本中部(白川鄉)の旅～預備篇

足足等了7年，終於有機會再次向日本進發，實行「日本中部白川鄉之旅」，怎知波折重重……

原來香港去名古屋的航班很疏，一天只有2班 (0920-1530 / 1630-2100)。我們打算22/3/2010(Mon.)早上出發，因為怕下午機去到日本太夜。於是去年12月尾便叫agency出機票，點知全日所有機位都竟然full了，要輪候後補。等到1月尾仍未有起色，agent話confirm到機位的可能性不高，建議我們提早一天出發。可是朋友卻不能提前出發，故只好繼續等。我問agent改去大阪的機，佢話都full咗。吓！又唔係假日、又唔係節日？點解果日會咁爆o架？

到2月初，仍沒有好消息，故便問多一間agency，佢都話無機位，建議我們延遲一天才出發就有早機機位。係喎！朋友唔可以提早可以壓後丫ma ，點解我無諗到呢？於是我問了朋友改後一天(23/3)無問題便覆agent，但係轉個頭佢話早機已經無位喇，要輪候。不過，下午機仍有機位，故他便幫我們hold了下午機，wait上午機。雖然最後都係wait唔到早機，但總算有得去丫！要開始計劃行程及預約交通／住宿了。

我們選擇最平的3日2夜酒店＋來回機票套票，HK$3,399(包早餐)。點知那間平酒店full了，被迫要擇另一間貴HK$300又不包早餐的package。

唉～算啦！要拿拿林plan埋日後的行程及住宿安排。其實之前都check過下一些住宿的資料及價錢，但在等待的期間，我看著一間一間平住宿開始無房，真係好無奈……最後擬定了8日7夜的行程及住宿。

23/3/2010(二) 香港 --> 名古屋 (住宿: Royal Park Inn)

24/3/2010 (三) 名古屋 --> 高山 (住宿:カントリーホテル高山)

25/3/2010 (四) 高山 --> 平湯 (住宿:平湯館)

26/3/2010 (五) 平湯 --> 新穗高 --> 高山 (住宿:カントリーホテル高山)

27/3/2010 (六) 高山 --> 白川鄉 --> 金沢 (住宿:金沢セントラルホテル)

28/3/2010 (日) 金沢 (住宿:金沢セントラルホテル)

29/3/2010 (一) 金沢 --> 名古屋 (住宿:Royal Park Inn)

30/3/2010 (二) 名古屋 --> 香港 

以前每次自由行都係由隊友負責策劃，我俾少少意見就行得。今次係我第一次負責plan行程兼第一次經網上訂房(全日文內容)，真係有D擔心。唔知係唔係可以照計劃而行呢？唔知經網上訂的房係唔係真係得？去到無地方住就真係搞笑囉！

唏！既來之則安之啦，朋友話齋：開心ｄ，開心ｄ，去旅行最緊要relax！船到橋頭自然直丫ma !

都係將今次行程交託給主啦，我要做團友，要開開心心enjoy the trip☺！

“人心籌算自己的道路;惟耶和華指引他的腳步。”(箴 16:9)