高雄馬拉松之旅～後記

😠執咩行李呀？家陣我病咗，你哋都咁開心，有無人性o架!!

＊＊＊＊

高雄馬拉松之旅～後記：

今次一個人去旅行，出發前遇到不少困難，其中以出發前的腳痛(ITB pain)及冒感(咳極都唔好)最叫我煩惱，加上我的妃人憂天性格，為我帶來不少無形的壓力，曾經想過放棄！

不過，咁辛苦才報到名參賽，又唔甘心輕言放棄！

所以在籌備的這段期間，好勝的我要多次進行自我的心理調節……

真係唔知咁辛苦為乜?

感謝主，首次的個人旅程終於完結！

雖然我是一個人旅遊，但我一點也不覺得悶，反而很享受一個人獨處的寧靜及自由自在的時間。

雖然今次旅程健康欠佳，但好彩係Solo Trip，病的時候，唔想行就唔行、唔想食就唔食，不用顧慮同伴的感受、不怕掃人家的興，亦不會麻煩到同伴照顧我！

當然我都喜歡與三五知己去旅行，吃喝玩樂一番，但係好多時唔係咁易夾到時間。

如果要左夾右夾、一拖再拖的話；倒不如坐言起行，及時行樂...... 一個人去又可妨呢！

咦～似乎我很適應Solo Trip咁喎！咁我今後咪可以學我的偶像(高木直子)咁，一個人去旅行囉！

Yeah～下次去邊度好呢？

剛巧今日看到《都市日報》有一篇文章～

 

唔怪得之我跑「澳門馬拉松」之前又感冒，跑完之後的個半月又再中招，一直病到出發去跑「高雄馬拉松」，到依家跑完一個月都未完全好番哂啦！