韓國櫻花馬拉松之旅～Day 1 (下)

我們於“音樂農場”過門不入之後便沿路返回酒店，開始試行一次明早由酒店去馬拉松起點的路程。

酒店就在起跑點Gyeongju World Culture Expo Square附近 (這是我們選擇這間酒店的主要原因)，步行只需大約20min。

(這便是慶州世界文化博覽廣場)

(場地已掛上今次「第22屆慶州櫻花馬拉松」的banner)

(明天我們便在這裡起跑了)

逗留了一會，我們便離開去搵食(lunch)。World Culture Expo Square附近都有幾間食店，但係全都是韓文，又沒有圖，都唔知有咩食，而且好似無人幫襯咁。最終我們入了一間有些人客的食店，可惜因為雞同鴨講，最後我們叫唔到飯食，只叫了麵 (因為他們聽得明noodle, 但聽唔明rice)。

 

(餐牌全韓文，d圖又唔清晰，點order呀？老細！)

(最終我無法order到飯，只叫了麵。

在韓國的第一餐午餐6,000won[約HK$44])

食完午餐，時間差不多，可以回酒店check-in。

我們取了房，settle down後又再出發，坐巴士去火車站 (因為之前在網上看到一些blog話火車站可以蓋紀念印)。唔識韓文搭巴士真係有點困難，好彩最終都順利到了火車站，並蓋了紀念章！在車站附近有一條街，有不少街邊檔，相當地道，故我們逛了一會。

(這便是慶州火車站了)

(火車站內可蓋紀念chop)

(火車站對出掛起了馬拉松的大banner)

(車站附近的一條街有好多熟食及蔬果賣，好有街市feel)

 

 

 

(士多啤梨只賣5,000won一盒，約HK$36， 雖然抵，但明天要跑，怕會影響腸胃，唯有忍吓口啦)

(呢檔賣的餅是紅豆蓉餡1,000won/4件，有點似日本人形燒)

之後，又要搵食(dinner)。好不容易，終於搵到一間有圖片的食店，成功食到“飯＂。因為明天要跑半馬，如果今日無食過飯，我怕明天無力跑呢！

(終於食到“飯”了～3,800won，約HK$28，正！)

吃過晚飯，我們去便利店買定明天的早餐(飯團--800won)。
由於今次我們是經香港一間agent報名跑馬拉松，故agent幫我們取跑手包，並約大家6:30-8:30pm在他們入住的酒店大堂Kensington Resort派跑手包。

我們從火車站坐的士去那酒店(的士費9,300won)，到達時大約7:00pm，但agent仍未有職員到場，不少較早到達的跑友已等得有點鼓譟。過了一會，終於有職員來派跑手包。我們亦順利取了，並與今早在長途車遇到那對香港夫婦一起拾的士返回我們入住的酒店；今次無行李喼，可以四人同坐一輛的士share車錢！

回酒店梳洗後便休息，準備明天去跑馬拉松～

(在韓國的第一晚房間，可以瞓三個人，quite large!)

(今次的跑手包相當簡單，只有號碼布、計時晶片、

跑衫及Guide book[韓文])

(這便是我明天跑半馬的裝備)

昨夜在機上睡得不好，加上6:20am(香港時間5:20am)便落機，今日又行咗咁多路，一直都沒有好好休息；明天一大清早便要起床去跑馬拉松，真的要早點睡了，期待著明天在櫻花大道下跑馬拉松……！

待續