2012.04.16
行完「龍頭山公園」沿自動電梯落番去光復洞，附近有間郵局，我哋入去買了郵票，然後再去樂天百貨店(shopping mall)搵吓有無post card賣。最終Bonnie買了一pack名信片，佢話可以送一張給我，所以我可以慳番！接著就在shopping mall地下的food court食Lunch……
(在樂天百貨店的五樓搵到有名信片賣)
(來到韓國，當然要食石頭飯啦！6500won<約HK$49>)
(先買票，收銀員會給你一個號碼機，
當號碼機著燈時便可以去counter取食物)
(我的石頭窩飯和Bonnie的牛肉定食)
食飽飽之後，我們便繼續行程：先去附近的「Dry Fish
Market」， 然後再去「札嘎其市場」買手信……
(途經一檔賣鯛魚燒，好似幾好味咁噃，可惜我已食飽飯！)
(這裡便是Dry Fish Wholesales Market)
(幾條街都係賣魚乾類產品，有批發亦有零售)
(我們的最一站 -- 札嘎其市場)
(市場大樓前的海岸街邊有不少海鮮檔)
札嘎其市場有7層，第一層是賣海鮮、第二層是吃海鮮及賣魚乾類產品、第三層有露台，而其他層樓更有餐廳、室內屏幕哥爾夫球練習場、Guest House等，而天台仲有天空花園(瞭望台)添……有趣、有趣！Let’s Go!
(札嘎其市場有咁多層，梗有一層啱睇)
(每個入口都有些海洋生物裝飾……cute)
(一般人都會在下層海鮮檔落order，然後上呢層等食)
(呢檔賣乾貨，有個懂普通話的人招呼我們，所以我在這檔買了很多河豚乾)
(我又寫，Bonnie送我一張名信片<圖片是海雲台>)
(寫完名信片，在露台遠眺拍照先)
(欲窮千里目，更上一層樓。最後我哋上去天空花園拍照)
因為天空花園好大風，所以我們只逗留一會，遙望吓「影島大橋」等海景便走了。
離開札嘎其後，我們便返回光復洞的郵局寄post card。之後見時間尚早，於是去了Starbucks嘆了咖啡。
(離開札嘎其魚市場，在樓下的海岸路又見到許多新鮮的海產)
(寄番張post card俾自己先)
(第一次在韓國飲Green Tea Latte)
(途經一間台灣茶葉舖，內裡有些精緻的小擺設賣)
最後，我們去附近嘅士多辦館掃貨(紫菜、辛辣麵等)作手信。然後，返回酒店取行李，準備坐巴士往機場。
(往巴士站途中，經過消防局)
(往機場的巴士很疏，我們等了大約半小時才有車)
(6:30pm上車)
(7:30pm順利到達釜山金海國際機場)
(釜山機場很細，無紀念印)
由於坐10:05pm航班，所以在機場吃少少嘢，行了一陣店舖 (部份已關門)，便登機了。
(Bonnie叫咗個石頭窩飯，而我就食餅當晚餐，留肚食飛機餐)
(終於登機了，大韓航空是細機，所以要行樓梯登機)
(好少機會，可咁近距離影機頭，仲影到機司添)
(順利完成馬拉松之旅，當然要“啤啤”佢啦)
大約半夜12:30返抵香港，但由於Bonnie的行李遲遲未見，所以離開機場已是大約1:30am。
(今次要坐通宵巴士再轉的士返屋企)
由於N31勁兜東涌，坐咗成個鐘巴士之後再轉的士，返到屋企差不多凌晨3:00am，真係好睏。
那晚實在太攰了，有咩感想都留待下一篇《後記》再講……
<待續>
沒有留言:
發佈留言