2016國慶長跑

踏入秋天是長跑的季節，我亦揍熱鬧報了幾個長跑活動，點知出師不利，頭兩個也受天雨影嚮。

第一個是8月14日的「香港街馬の懷舊香江5公里」(跑中環)，當日一早起來我見下大雨，加上我想留家收看女排奧運總決賽的直播，故便放棄去跑。

第二個是10月1日的「國慶長跑2016」。由於上次是我自己放棄，故今次打算即使下雨也照去跑。

9月尾忽然話有一颱風(鮎魚)形成，已心感不妙。但後來天文台話颱風會於29/9在內陸登岸，故便稍為安心。

(鮎魚迫近，天氣相當悶熱)

10 月1日的賽事是在大美篤船灣跑十公里，早上8:30起跑，而由我家出發要坐巴士-->東鐵-->小巴才到起跑點，故我一大清早便要準備出發。起床時(5:00am)看到窗外下著大雨，心想：「不是吧，跑比賽才下雨？連個天都唔鍾意我?!!……」但我今次決定下雨也照去跑，所以便一股作氣清晨5:40am出門口搭頭班巴士。

雨勢愈下愈大，我上車後看看手機才知天文台在5:55am掛起紅雨。
吓～～？雖然話落雨都照跑啫，但現在唔係落雨咁簡單，而係紅雨喎……

(等車時雨勢愈下愈大)

(原來天文台掛起紅雨，難怪咁大雨啦)

我上網查看賽事細則，看到大會指引：如於比賽當日凌晨十二時或之後懸掛紅、黑色暴雨，當日賽事將會取消。

噢！咁即係今日賽事應該會取消……

(大會指引：懸掛紅、黑雨當日賽事將會取消)

去到大埔站，我步出車廂，看到雨勢無減，猶疑了片刻，考慮到今次的路段有一部份是郊遊徑(非路跑)，怕天雨令路面難跑，加上大會應該會取消賽事，故便決定折返回家。

(今次的路線部份是郊遊徑)

 

 

 (大埔雨勢仍相當大)

(折返回家途中已改發黃雨)

 

 (雖然改掛黃雨，但雨仍下得頗大)

有無搞錯！回到家竟然已停了雨，到咗八、九點左右仲開始出太陽添……唔通個天真係唔鍾意我！！？😭

(雨過天清了)

(兩次都遇著天雨，期待下次賽事有好天氣)

不過，有跑未為輸，我總唔信下次賽事又會遇到風雨！

後記:

活動後收大會短訊通知，賽事取消，但參加者可到辦事處取紀念品。噢～紀念品竟包括完跑紀念牌！估唔到唔使跑都有牌攞 ^+++^！

(今次的跑衫)

(今次的紀念品)

(唔使跑都有完跑紀念牌)