東京馬拉松之旅~Day 5 (旅館篇)

(2011.03.01)

<續Day 5>

行完音樂の森美術館，便坐巴士返回旅館附近的河口湖駅了。由於時間尚早，我們便逛一會手信店。因為明天下午我們便要離開河口湖返回新宿，怕明天沒有時間在這裡買手信，所以我便決定先買手信，然後才去食晚飯。

(河口湖係富士五湖之一，所以呢度嘅手信都以富士山圖案為)

(富士山形的朱古力)

(另一款朱古力)

(以河口湖做圖案的曲奇)

(咁多款河口湖的手信，睇見都開心)

 

買完手信後，我們先回旅館放低東西，便出去搵食。因為落雨，所以我哋最後決定在旅館隔離的餐廳食飯。原來那餐廳是與我們的旅館有聯係，所以我哋(住客)可以有95折。後來埋單後，那餐廳又給我們購物coupon（5% off）。哎吔！原來剛才我們買手信的那間店舖也是有聯係的，咁即係話我哋剛才用正價買手信就蝕哂喇！我買咗接近成¥3,000手信，咁即係無咗¥150折扣囉！激死人喇！
都只怪我學藝未精，其實旅館有張貼告示話旅館有飲食及購物折扣優惠……，但因為我日文比半筒水更少，所以無理會到！

(今餐Silver無特別食嘢，只得我同Bonnie order嘢食)

(今餐我又係叫咗我的至愛--日本咖哩飯¥594)

今日一早由箱根過嚟河口湖，下午又行了「音樂の森博物館」，食飽飯後，當然就係要回旅館休息吓啦......等我嚟介紹吓旅館(河口湖Station Inn)嘅設施啦！

(由於房間太細，所以房內不設廁所及浴室，要去四樓沖涼)

(呢度仲有自助洗衫服務添！)

(這裡是Shower Room)

(不過我就當然係會浸浴啦，這裡便展望風呂)

因為無人，所以我今晚可以獨享呢個風呂！

(都唔錯喎，但係點解叫做"展望風呂"呢？)

(夜晚，黑麻麻就當然無得展望啦！明早再嚟就明o架喇！)

浸浴後，便去了旅館的Internet Room，上吓網、check吓e-mail。
噢～原來那個Internet Room係一個康樂房，有好多嘢玩，仲有免費奶茶、咖啡任飲添！

(玩到攰，當然最好就係返房休息啦！)

第二朝，既然房間的空間有限，我當然又係一早起床，爭取時間再去浸浴啦，順便為大家揭開"展望風呂"點解叫"展望風呂"之謎......

(原來展望風呂係可以一邊浸浴，一邊欣賞(展望)窗外風景！)

浸完浴之後，為免嘈醒Bonnie & Silver，所以我就帶埋自己昨日買定的早餐(麵包：88円）去Internet Room......

 

嘆完早餐，上完網，差不多7:30am便回房間收拾細軟，準備check out及展開遊覽河口湖的行程……

(回到房間，從窗口望向河口湖駅，見到有一列車身有富士山圖案的列車)

(與其在窗口Zoom得咁辛苦影相，不如立即出發周圍去遊覽好過啦！)

下一站坐吊車上「天上山公園」近距離觀看富士山啊！Let’s Go!!

待續......