Day 1 - 06.03.2018 (Tue)
由香港去以色列-特拉維夫直航要12小時，行程的第一日主要是坐飛機。本來以為無乜嘢寫，但原來過關都好特別......
出發前一晚已收到領隊Whatsapp提點大家行李有可能延誤，要自備一套內衣跟身，另外要預早3.5小時到機場Check-in + 安檢。而出發當日，到達機場前又收到Whatsapp提大家行李喼不要上鎖，咁即係話行李喼隨時會被搜查。
(出發前一晚，領隊的溫馨提示)
(連行李喼都不能上鎖?!!)
我預早了少少到機場，在未向領隊報到前我帶四葉妹妹到處拍照。當團友們到齊後，領隊便帶領大家check-in。以色列航空公司在check-in counter前set了幾張小企枱為乘客進行安檢及問話。由於懂華語的職員那條隊較長，故我接受英語問話。她問我為甚麼去以色列？逗留幾耐？我話去跑馬拉松(半馬)。她便問去邊度跑？半馬跑幾長？跑幾耐？又問我做咩職業？識唔識佢哋(團友)？行李係唔係自己執？有無幫人帶嘢？行李有無武器？…… 最後她便在我的行李喼及背囊纏上黃色膠紙，然後放我去counter check-in。
(過關後必拍的打卡位)
過咗關，我仲以為可安心等上機。點知又收到領隊Whatsapp提示，如果隨身行李有黃色膠紙便要在登機閘口再作安檢。一些由華語職員安檢的團友沒有被貼黃膠紙，我和幾位團友 (英語職員問話) 就中招。我們要交出隨身行李(包括相機)，然後被帶到一邊，用一支掃瞄棒掃勻全身，特別是對鞋。接著叫我們等大約30分鐘後才可取回隨身行李。
(又要做多一次安檢....>.<)
(隨身行李便是放在那個鐵籠車內被推走進行安檢)
等了又等，差不多大部份乘客都登機，我仲未見到我個背囊。最後，連final call都出埋才見職員推出一車行李袋，其中有我的背囊。匆匆認領了隨身行李，便登機了。上到飛機打開背囊一看，內裡亂到呢……！算啦，可順利登機已很感恩了！
好彩，我check-in時要求坐走廊位，否則12個小時飛程都唔知點頂。
好不容易，終於捱到落機。以色列時間比香港慢6小時，我們落機時已是當地時間10:00pm。好彩入境的安檢比較簡單，很快我們便過了關。趁要等齊團友之際，我爭取時間去了機場的兌換店兌錢，但原來在耶路撒冷舊城兌的rate較佳，且不用收commission charge。我蝕咗少少添！
(入境關員不會在passport上蓋印，而是給予一張藍色入境卡紙)
(機場兌錢較市區貴，且要收5.3% commission)
接著，我們便匯合當地導遊，坐旅遊巴往酒店。到酒店打開行李喼一看，wow...所有物品都走哂位 (不過無唔見嘢)！
(第一晚在特拉維夫的酒店房間不錯)
我在機上食素, 品質還可以!
回覆刪除早知我都order素食啦！不過我是食肉獸.../_\
刪除