東京馬拉松之旅~Day 2 (三鷹の森ジブリ美術館)

2011.02.26 (Sat.)

唔知係因為時差問題，定係因為酒店房太焗，我第一晚在東京的睡眠真係強差人意，整晚都瞓得唔好，我大約6:00am(即香港時間約7:00am)便醒了！
反正瞓唔著，故便早點起床睇吓聖經，順便計劃一下今日(東京之旅的第二天)的行程。
未出發前，我已在香港日航天地預購了三鷹の森ジブリ美術館的入場券 (HK$230/人)，所以今日上午會先去那個有「宮崎駿博物館」別稱的三鷹の森ジブリ美術館。然後，下午去淺草行吓......

等到Bonnie & Silver瞓醒後，我們便展開東京之旅第二天的行程。由於酒店不包早餐，所以我們先去外邊食番個醒晨早餐先！

(嘻嘻！我哋揀咗去日本的吉野家食地道日式早餐 ¥380)

之後，我哋首先要坐地鐵去三鷹駅，然後轉乘巴士去三鷹美術館。由於地鐵三鷹駅是JR中央線的終站，故我上車後便掛住影相，一心以為到總站才落車。點知我哋上錯了一架只去到中途站便折返新宿的列車，我們到折返新宿才醒覺搭錯車。於是我們便匆匆落車，好彩，最終都搭番架正確的車，順利去到三鷹駅！東京的地鐵實在太複雜了！

(掛住在車廂影相，搞到搭錯車都唔知添)

(好彩最後都能順利去到三鷹駅)

(坐完地鐵，再轉乘巴士：貓巴士　去三鷹之森美術館)

(巴士站有自動售票機，買來回票¥300比單程平¥100)

(貓巴士嚟喇！)

(大約5分鐘車程，話咁快就到站了)

(一落車就見到天空之城的場景了)

(要先排隊換入場券)

(呢個牌寫住，館內嚴禁拍照)

(順利換到入場券入場了)

館內有很多宮崎駿動畫的製作過程，又有迷你映院；我們看了一套「雞蛋公主與麵包種子」的卡通片，非常好睇！由於館內不許拍照，所以我可以好專心咁欣賞館內的每一事、每一物！雖然館內不可拍照，但在露天的地方是可以影相的，四葉妹妹&相機又出動了.....

(連水龍頭都好有宮崎駿feel呀)

(臨走之前，在美術館天台拍照留念先)

在三鷹美術館逗留了約2小時，然後我哋就坐番貓巴士去返三鷹駅，並在那附近搵食(lunch)!

(在街頭見到買釀酒的酒餅)

(下星期3/3便是女兒節，這裡有以女兒節為主題的便當)

(我在車站的店舖買了些壽司，2盒只係 ¥580，
這便是我們在日本的第一餐午餐～正！)

食飽飽就繼續東京之旅Day 2行程，下一站「淺草--雷門」。。。

待續......