東京馬拉松之旅~Day 2 (夜觀新宿市)

我們離開了充滿古代氣色的淺草市後，便返回現代化的新宿市。
然後在新宿駅西口的小田急服務中心預購明天去箱根的乘車周遊券。那裏的職員是懂得英文及普通話的，故我們很順利地買了明天去箱根的車票，之後就去睇新宿夜景。
原本是打算第一晚(25.02.2011)到東京便去睇新宿市夜景，但因為在Big Sight Hall行Expo搞夜咗，所以順延到今晚才去東都廳俯瞰新宿市夜景……

(在返回新宿的地鐵車廂內，見到不少東京馬拉松的宣傳)

(由古代feel的淺草返回繁忙的現代都市--新宿，連馬路都好似八陣圖咁)

(搞掂明天去箱根的車票，咁就安心繼續去玩啦)

(由新宿駅西行大約15分鐘便到達東都廳，免費上頂樓的展望室)

(由於是隔著玻璃看夜景，所以好難用傻瓜機影到靚相)

(唯有靠Bonnie的大機才可以影到些合意的夜景照)

(雖然夜景很美，但影唔到靚相，所以就去咗另一邊的紀念品店行逛)

(最後我哋在那裏蓋了東京的第一個紀念印便走了)

離開東京廳後我們便去搵食了，既然學唔到花師奶在超市買特價壽司，咁唯有去食店食啦！我哋最後揀了一間拉麵屋食拉麵......

(我揀了味噌拉麵，加大(大盛)同一般size竟然同價?!!)

這晚我們十點前便返回酒店，因為想早點休息，準備明天一早出發去跑「東京馬拉松．十公里賽」......

待續......