東京馬拉松之旅~Day 4 (小王子博物館)

(2011.02.28)

上回講到昨晚plan好第二日的行程便休息了。本來以為跑完十公里 、浸過溫泉會瞓得好些，但仍是睡得不好！一向醒瞓的我，唔知係被同房的交響樂吵醒丫？定係被半夜窗外淅瀝淅瀝的雨聲吵醒呢？唔通係……我仍然未適應日本的時差？

既然瞓唔到，我便決定早點起床，再去浸吓溫泉！下半身浸在熱烘烘的露天溫泉裡，上半身卻不時被冰涼的雨水滴中，別有一番滋味。

本來我們計劃一早坐吊車上大涌谷睇火山，然後坐海𧶂船遊湖遙望富士山，再行杉木林；午膳後去參觀小王子博物館。但一早起來便看見落雨，且雨勢頗大，故與隊友商議更改行程：上午先去小王子博物館，希望晏D好天，我們才遊覽戶外的景點 (i.e.: 小王子博物館→海𧶂船遊湖→行杉木林→坐吊車上大涌谷) 。哼……昨晚度得咁辛苦夾準各項交通工具的時間表，依家無用武之地添！真係俾個天搞亂哂！

(出發前，善用房內的廚房煮個美味的早餐先！)

(點解呢兩年去親日本都遇著下雨天，要擔遮㗎？)

(箱根各電車站都有印章，主題係Narnia故事中的獅子、女巫等)

(我哋用free pass坐登山巴士去今日的第一站：小王子博物館)

(話咁快就到站了：星の王子さまミュージアム)

(見到小王子的圖案就知已經到咗"小王子博物館"啦！)

(一入大閘，便見到小王子站在某個星球上歡迎我們了)

(入場費～大人：¥1,500，可以預先在網站下載coupon，每人減¥100)

(不過用箱根周遊套票隨附的「悠遊小冊子」內的coupon就更抵，好似平¥200/人)

(原來場內都幾多嘢睇，跟住地圖行就唔會睇漏啦！)

(室內及室外都有展品，所以館長很細心地設有雨傘供遊客免費借用)

(這裡的建築物好有歐洲童話Feel)

(點解Ｄ相歪歪哋o架？……之唔係因為擔住傘囉！)

(如果唔係落雨，相信這花園景色會好靚。)

(花園內有不少書中角色的立體公仔)

(不停咁落雨，一於入去教堂避吓雨先！)

(教堂雖小，但係都幾靚！)

(唔知呢個exhibition hall有咩睇呢？)

 

(嘩！好鍾意呢個小王子郵chop呀！可惜只係展品，係非賣品丫！)

(展館內仲有小電影睇添)

(Yeah! 終於行哂整個博物館，印齊哂Ｄ紀念印章了)

(出口前有一個小型迷宮)

(落雨都無乜mood行迷宮，走喇！)

如果唔係落雨，相信會在這裡逗留耐Ｄ，慢慢影吓相，參觀吓！可惜落雨，真係大煞風景。

算啦，繼續去下一站：坐海𧶂船。但係唔知天氣咁差，遊湖睇唔睇到富士山呢？會唔會大風浪到暈船浪呢？