東京馬拉松之旅~Day 4 (箱根-海賊船)

(2011.02.28)

我哋坐番吊車返回桃源台駅，繼續Day 4雨中的行程--坐海賊船遊湖及行杉並木。

(坐海賊船是要買票的)

(不過我哋有free pass，所以唔使買票)

(夠鐘上船喇! 不過我哋唔係坐呢隻...)

(我哋坐嘅海賊船係呢隻呀！)

(咁大雨，快Ｄ上船先)

 

(上船不久，船長就出來同大家打招呼喇!)

(如果天氣好的話，坐船遊湖係可以遙望到富士山o架！)

(可惜今日落大雨, 船艙內咩景都睇唔到)

(唯有上甲板, 希望可以睇得多D景啦! 中途見到呢個繩結的display!)

(一上到甲板就見到佢......船長!?)

(呢個係假公仔, 並唔係剛才的海賊船長呀!)

 
(報告船長：今日係睇唔到富士山!! )

既然無嘢睇，而甲板又大風又凍，所以我返入船艙。大約過了半小時便到了碼頭，咁就完了遊湖的環節……唔好天，真係無癮！

(落船行吓先，不過又要擔傘了！)

 

 (我最鍾意影日本街上的地板/渠蓋，圖案相當精美、又有特色)

 

(睇吓去杉木林點行先)

(呢間餐廳門口裝飾好型喎!)

(嘻嘻~ 又見到我嘅至愛--坑渠蓋!)

 

(我睇旅遊書都有介紹呢條古街, 不過唔知係唔係因為落雨, 好似無咩睇)

(熱辣辣嘅饅頭呀! 但係擔住傘，買咗都食得好麻煩，所以無買到.)

(呢間唔知係咩地方？唔知有咩睇呢？)

(好似係要俾錢入場，所以無入到去。)

(如果好天都想行吓呢個公園，可以睇到湖景o架！)

(無行公園，過了對面馬路行杉木林-- "杉並木")

（好多好高嘅杉樹呀！）

(就咁睇你唔覺得D樹有幾高幾大......)

(有個人做比例，就知道Ｄ樹係幾咁巨型！)

(其實今日真係幾凍吓, 你睇呢個bill board叫人小心路面結冰就知啦!)

由於落雨，我哋無行完整條杉並木小徑，中途便搭巴士返回強羅駅了。天寒地凍，微風雪雨，在車站前的店舖見到有甘酒買，所以就買嚟試吓……

(淡淡的清酒味，都唔錯丫！不過200円一杯就貴咗D...)

(之後，我哋去番昨晚的食店食晚飯。我叫了中華炒飯¥750)

(Bonnie叫蕎麥麵，睇老鼠仔嘅表情，似乎會唔夠飽喎！)

(食完晚飯順便買定明天早餐便返酒店了)

咁早返酒店，當然要爭取機會再去浸溫泉啦！

由於Bonnie & Silver都唔浸，佢哋打算用房內的浴室，但係唔知點解花灑搞極都無熱水出。本來諗住call服務台，但係我哋竟然攞錯咗個緊急電話，一按掣就即刻響警鐘，嚇到酒店內一些住客以為走火警！最後酒店職員來睇吓我哋間房出咗咩事。我講俾佢知係false alarm，他才鬆了一口氣。雖然用錯咗緊急電話，但總算叫到職員來睇吓點解花灑無熱水丫！
之後，我便自己一個人去夜浸溫泉。Very Nice......

（浸完溫泉飲番杯啤酒就最嘆啦!）

(我哋今日都去咗好多地方了!)

(全靠呢張free past＋交通時間表, 我哋才可以遊覽箱根咁多地方咋。)

(我哋就係靠呢本咁複雜嘅"箱根交通時間表"plan行程o架喇！)

雖然落雨打亂了今日的行程，但係我哋都算係去勻哂要去的地方 (小王子博物館、大涌谷、遊湖、行杉並木)，而且仲用盡那張free pass坐哂箱根咁多種交通工具添！悠閒輕鬆的箱根行程便到此為止，明天一早我們便要離開箱根去富士五湖了。

待續…