(2011.02.28)
哎哋~上一篇blog話我哋離開小王子博物館便去坐海𧶂船遊湖,其實我哋係先去咗坐吊車上大涌谷,然後才去遊湖。搞錯咗添,一定係因為落雨,所以搞亂哂我D記憶!
(桃源台係去坐吊車或海𧶂船的必到之處)
(呢度都有Narnia印章,今次係白髮女巫)
(在桃源台駅,落一層坐海𧶂船,但我哋先坐吊車,所以上樓上)
(吊車嚟啦,有D似香港的360)
(呢度話坐吊車可以睇到好多景)
(但係落雨咩都睇唔到,只見到不同顏色的對頭吊車)
(如果好天,可以在中途站「姥子」落車,步行上山)
(終於到了大涌谷喇,不過仍然係好大雨)
(呢度有1044米高,高過香港的大帽山o架)
(呢度唔單止有Narnia的印,仲有一個有吊車圖案的印添)
(黑たまご即係黑玉子/黑溫泉蛋,係呢度的特產)
(其實黑たまご除咗可以食,好多手信精品都用佢做設計o架)
(雖然出面落雨,但係一場嚟到,一於上大涌谷行吓)
(嘩!高處不勝寒,雖然係火山區,但係當日又凍又落雨,寒風刮面都幾凍吓)
(橫風橫雨,又要擔遮、又要影相,差D凍僵我隻手呀!)
(熱辣辣嘅火山溫泉水呀)
(雖然我鍾意浸溫泉,但係呢度水溫有成80°C,咪搞!)
(呢度高過吊車站,所以真係好凍,我估大約得8、9°C)
(其實仲有得上高D,但實在太凍又落雨,所以我哋到此為止)
(落番吊車站附近,見到有雞蛋雪糕同埋好大樽牛奶!)
(本來呢隻巨型Kitty係「黑玉子Kitty」造型,
但農曆年佢轉咗裝,仲未還原。)
(既然見唔到大的黑玉子Kitty,唯有同細的黑玉子Kitty公仔影相啦)
(日本人真係識做生意,乜嘢手信都有“黑たまご"圖案)
(當然唔少得貓頭鷹精品啦!) <註~日文:貓頭鷹與不勞苦的發音相同>
(行到肚餓,我哋在車站附近食午餐)
(我㨂咗大涌谷黑拉麵 ¥800,美味しい)
(食完嘢,見到有扭旦機,可惜扭唔到我想要果款!)
(嚟到大涌谷,當然要試吓呢度特產--「黑たまご」啦)
(一邊食「黑たまご」 ,一邊坐吊車返回桃源台)
(返到桃源台,未夠鐘坐海𧶂船,行一陣souvenir shop先)
(隻海𧶂船模型好精緻呀,不過太貴了!)
行咗一陣商店,差唔多夠鐘上船了,落雨天橫風橫雨坐海𧶂船,都幾有海盜feel,我仲見到鐡鈎船長添……
待續......
沒有留言:
發佈留言