東京馬拉松之旅~Day 3 (箱根)

「東京馬拉松之旅」Day 3 (27.02.2011) 是充滿奇妙主恩的一天！

跑完十公里後，可以順利匯合Bonnie & Silver已令我讚嘆主的奇妙帶領。之後，我們便懷著輕奮心情返回酒店取行李，趕塔1:10pm那班車去下一站 -- 箱根！

(離開新宿前，在酒店前拍照留念先！)

我們前一日已預購了箱根周遊票，包括由新宿往箱根的火車及箱根區內三天交通的free pass 。為免要在小田原站轉車咁麻煩，我們更附加了¥870改乘“浪漫特快列車” (¥7,200＋¥870= ¥8,070)。[周遊票資料：http://www.odakyu.jp/tc/freepass/fujihakone.html]

我們比預定時間早了到新宿車站，於是便在月台影吓相。可能因為我今朝只吃了一個飯團，而跑完十公里後都無食過嘢，所以我開始有點肚餓。好彩我帶咗Ｄ零食，加埋大會派的運動飲品，可以暫時頂住先。我們打算上車後才買弁當做午餐。

終於夠鐘上車了，本來打算買「浪漫號列車」的特色弁當，但因為較貴(¥1,000)，加上那個列車型飯盒食完都唔知有乜用，所以最後打消了這念頭，只買了一個普通的雞肉飯弁當(¥680)。之前在漫畫經常見到日本人在車內吃飯盒很有風味，今次我終於有機會親身試吓在日本車廂內吃弁當了，おいしい

(未夠鐘上車，周圍影吓相先！)

(有D肚餓添！食住零食頂住肚先，等陣上車才買弁當食！)

(終於等到我們坐的那班車了) 

 

(由於我們加錢坐"浪漫號特快列車"直去箱根，所以唔使在小田原轉車)

從新宿去箱根大約要1.5小時的車程，我們聊聊天、看看風景，很快便到了箱根湯本站。

(箱根區內有多種交通工具，我們到了箱根後便開始用那張

三天的free pass坐哂咁多種交通工具了！）

我們的酒店(紀州鉄道箱根強羅ビラ)是在中強羅，網上資料說前往酒店的方法有兩種：

1) 箱根湯本站-->(乘登山電車)-->強羅站-->(轉乘酒店接送車)--> 酒店

2) 箱根湯本站-->(乘登山電車)-->強羅站-->(轉乘登山纜車)--> 中強羅站-->(步行3-5分鐘)-->酒店

由於我們有三天free pass，所以兩種途徑都不用再付交通費，但我們拖住喼唔方便步行，所以便選擇了第一種方法。

(首先我哋在箱根"湯本駅"轉乘登山電車去"強羅駅")

(呢度就係"強羅駅"，但係去邊度搭酒店接送車呢?)

到達強羅站時，我們都唔知去邊度搭酒店接送車，於是去了觀光案內所問。職員叫我們返去車站後面的警局前搭，但去警局是要穿過行人隧道，要拖喼上落樓梯都幾辛苦。

當我哋去到警局門前，卻見唔到有站，於是問拍在路邊一架車的司機，不過，他也不清楚。剛巧有巡邏車經過，他便叫警察幫我們。不過，那位警察似乎都唔知道，他看著我訂房的confirmation letter很是惆悵！

感謝主的帶領，我們順利到達酒店check-in！

一入房，另一件感恩的事便呈現眼前--間房真的很大，好似獨立套房咁！有廳、有房、有廚房、有廁所、有露台……一流呀！

(Yeah!!終於順利去到酒店check-in喇！)

(間房真係大到好似套房咁呀！)

 

(將房間的小茶几搬開，便可舖"塌塌米"成為睡房了)

(廁所同浴室係分開o架，真係好大、好犀利呀！)

仲有一樣叫我驚喜的是 -- 我們的房間好近浸溫泉的地方 ，咁我去浸溫泉就非常方便啦！

即然咁方便，當然要第一時間去浸吓溫泉先啦！浸溫泉的地方雖然不是很大，但有室內及露天風呂場，加上無乜人，我哋幾乎包場咁滯～正呀!

(浸完溫泉的地方非常近睡房)

(浸完溫泉仲可以去Massage Corner按摩添，不過某ｄ器材要收費！)

浸完溫泉，我又覺得肚餓了！由於之前在網上見到一些blog友話呢間酒店的晚餐份量很少，唔抵食，所以我只係訂房，無訂膳食。於是我們便坐登山纜車出番去強羅站搵食。

始終係近郊地方，加上強羅站不是大站，所以店舖不多，且未夠7:00pm就差不多關門了。在無乜選擇的情況下，我們去了車站附近的一間食店吃我們的晚餐；之後再去買明日的早餐，便返回酒店。

(今次搭登山纜車由"中強羅駅"出番去"強羅駅"搵嘢食)

(在無乜選擇的情況吓，我哋揀咗呢間食店吃晚飯)

(我叫咗至愛嘅日式咖哩豬扒飯，¥900)

 

(食飽飽便行吓街，見有一間手信精品店仲未關門...)

(之後我哋去買明天的早餐¥279，仲買咗罐啤酒等陣浸完溫泉後飲，慶祝今日成功完成十公里賽，亦順利來到箱根！)

由於時間尚早，回酒店後，我們又再去浸溫泉。場內仍然是無乜人 -->包場～爽呀！

來日本前，我並沒有詳細計劃在箱根的行程，所以浸完溫泉回房後，我們便開始商談明天的行程。

(由於箱根的交通工具繁多，都幾複雜，我同Bonnie便度定明天搭邊班車，點樣行先至可以用盡那張free pass，玩盡箱根景點)

雖然我哋搞咗成晚plan好明天的行程 (包括：坐吊車上大涌谷睇火山、坐海賊船遊湖、行彬木林......等)，但點知，人算不如天算，因為第二天醒來我們發現……

待續......