東京馬拉松之旅~完結篇

2011.03.03

雖然我去咗澳洲旅行，但之前我已盡全力寫埋「東京馬拉松之旅」的遊記！
緊係啦，回來後就會忙於寫澳洲relax之旅的遊記 la ma！好！事不宜遲，開始東京馬拉松之旅嘅最後行程先......

同Bonnie & Silver分開後，我便一個人坐地鐵去神谷町駅影東京鐵塔。第一次自己一個人單獨在東京街道上行，感覺好特別...... 覺得自己好型， I am  cool！

(築地駅月台另一幅靚壁畫)

(話咁快就到了神谷町駅了，未出閘已有清晰的指示)

(一出站便見到路牌指示去東京鐵塔的方向… 吓！600米咁遠!!?)

(終於見到了東京地標 -- 「東京鐵塔」了)

(你三隻嘢咪顧住睇先得o架，望吓鏡頭先啦)

(東京鐵塔上面有個展望台，可以俾人上去瞭望整個東京都)

 (……不過要買票入場)

（呢度有間手信店）

（仲有個牌俾人影到此一遊照）

（四葉妹妹佢哋當然唔執輸啦！）

（好了！時間無多，影多一張就走喇！）

影完到此一遊照便要趕回新宿駅匯合Bonnie佢哋了。行去神谷町駅的途中，我見到有間聖公會教會，估唔日本除了神道教之外，都有天主教／基督教……

（參加唔到佢哋嘅聚會，唯就影張相留念算啦！）

離開教會繼續住車站方向行，沿途都有不少有趣街景……

 （今日3月3日係日本的女兒節ひな祭り)

（吓？呢條街叫“飯倉＂，咁下一街係唔係叫“飯桶＂呀？）

在我去影東京鐡塔時，Bonnie去咗池袋幫朋友買龍貓產品。那店賣的龍貓紀念品比我們在“三鷹の森ジブリ美術館＂(宮崎駿博物館)見到的更多更靚…

（原來日本地鐵的月台都有幕門）

（果間店舖响池袋的Sunshine City內）

(未入去就已經有好大隻龍貓歡迎您)

(成萬元港幣買隻超大Totoro!!?......)

(...可能仲要買多張機票俾佢先至帶到佢返香港喎！)

(龍貓精品比宮崎駿博物館仲要多)

(除咗龍貓之外，仲有叮噹添…係喎！叮噹都係貓嚟o架喎！)

講番我果邊嘅情況先，我回到新宿駅見仲有少少時間，於是行吓駅內的商店……

(呢幾隻竹炭貓頭鷹塊面仲黑過黑面神喎！)

(到處都係女兒節的女兒節娃娃～きれいね！)

(Wow…車站內的書店見到我的至愛～ 諗都唔諗就買咗嘞<¥630>)

行咗一陣，我便去Locker取回行李喼，然後去月台匯合Bonnie & Silver準備前往成田機場了！

(入閘後仲要行一大段路才去到月台)

(之前買N'Ex + Suica套票，包埋來回機場車票，我哋前一日已經去車站換定票、劃咗位)

(坐了大約半小時便到達國際機場站)

(比起出發時重咗)

(機場內都有印蓋，仲一次過有5個咁多添！)

(東京機場大部份都係名店，唔多啱我，好彩差不多夠鐘登機啫！)

(嘻嘻！我又叫咗啤酒慶祝今次順利完成旅程)

2011年3月3日順利完成旅程，平安帶番四葉妹妹佢哋由日本返回香港，等我總結吓今次旅行的目標的情況先：

旅行目標	達成指數 (最多*****)	備註
(1) 參加「東京馬拉松2011」 (可能是我人生最後一次跑 "十公里")	＊＊＊＊＊	53:29完成， 係我個人的最佳時間
(2) 浸溫泉 　(一洗2011年的 "黑氣")	＊＊	與北海道的溫泉相比好似 差咗少少。至於黑氣…
(3) 親眼睇富士山     (因為封山，無緣登山， 睇吓都好)	＊	只見到山腰，見唔到富士山全相！
(4) 離開吓，希望可以瞓番覺好嘅	＊	唔知點解總係瞓得唔好

雖然唔係每項都達標，但今次旅程卻為我帶來了不少新的體驗：

第一次參加海外馬拉松‧十公里跑
第一次帶阿Jun出遠門 (相當難搞)
第一次在日本火車上吃弁当

第一次在日本坐船
第一次入住一間有埋廚房的酒店房
第一次用車站locker寄存行李

隨了咁多個第一次的經歷外，旅行期間更經歷了不少奇妙的事情，實在是一個值得感恩之旅。
回港後一星期(3月11日)，日本便發生「世紀大地震」，令我體會到做人應該及時行樂！
亦因為日本地震搞到我寫blog都無mood，中途停了兩個多星期沒寫遊記！左拖右拖之下，旅行後3個幾月才完成今次的全部遊記，終於告一段落！

(好懷念日本東京、新宿、箱根、富士五湖......等各個景點啊！)

埋單計數今次7日行程，總共花費大約HK$10,000(包括買手信)，比預算中的支出為少！Good！

（有錢剩）

在此鳴謝各位Blog友一直支持追看“背囊友@東京馬拉松之旅2011”！唔知日後我仲會唔會有“背囊友@XX馬拉松之旅”呢？

～完～