東京馬拉松之旅~Day 6 (天上山公園)下

(2011.03.02)

<續Day 6>

其實天上山公園唔係好大，不過從天上山可以遙望到富士山，所以吸引了不少遊客坐吊車上山。

要看到最近、最靚的富士山景，便要行一段小山徑上山頂。

由於山頂海拔高，氣溫低，在上山的途中，我第一次見到樹掛！
晶瑩剔透的冰包著樹葉的末梢，好靚、好吸引啊～

(懷著興奮的心情，上山遙望富士山......)

(要上山頂就要行一條山路小徑)

(條路真係幾斜吓)

(就嚮呢個時候，忽然間見到路的兩旁滿佈了銀白色的樹木)

 

(睇真Ｄ，原來係冰嚟o架！)

(第一次見樹掛，真係好開心)

唔好講咁多，一於影多幾張相先～

(山頂有個小型神社)

 

丫！掛住講ｄ樹掛，差ｄ唔記得咗今次上山頂的主要目的(遙望富士山)添！

其實，因為我哋上到山頂望過去富士山，那邊一直都污雲罩頂，所以只係見到富士山的山腰；而富士山的山頂卻一直被厚雲遮蓋著，完全睇唔到。

雖然我死心不惜，在山頂守候了一會兒，但終於都無緣一睹富士山的全相，真係掃興...

(可惜，污雲蓋頂......以下就係我所見的富士山了)

(似乎要見到似樣d嘅富士山唯有睇post card了)

算啦，睇嚟我同富士山都係有緣無份o架喇，唯有返回天上山公園，準備坐番吊車落山罷啦……

(落山方向的吊車係1號車，今次車頂公仔唔係白兔而係狸貓！)

(再次俯瞰河口湖)

(見到對頭上山的吊頭車)

(似乎河口湖沿湖有不少美景喎，等陣去行下先！)

落到山已差不多中午了，我哋決定沿住湖邊行吓，睇吓靚景，順便搵吓有咩食市食晏！

待續......