東京馬拉松之旅~Day 6 (歌舞伎町)

2011.03.02
<續Day 6>

返回河口湖駅後，我們便要把握時間做幾件事 (取回行李、利用折扣coupon買手信、寄post card及影Thomas火車)！

於旅館取行李時，我們告訴旅館哥哥因為山上太多雲，所以看不到富士山全相。他也替我們感到可惜，他很好人送了我們幾張富士山post cards! Wow...so nice!!! 與他道別後，我們便要趕去影Thomas火車，及趕搭4:10pm的高速巴士返新宿了......

(坐完遊覽巴士由河口湖畔返回河口湖駅，呢張free pass便完成歷史任務)

(可以將張free pass當post card寄回香港了!)

寄了post card，買完手信後，準備去河口湖駅前的巴士站搭高速巴士去新宿時，見到......

(咦？河口湖駅泊了一列Thomas列車......so cute!!)

(原來响呢度都可以睇到富士山，如果無舊厚雲一定好靚！)

 (早知就唔使上山睇富士山咁辛苦啦！)

(呢度只有6.2度，唔知返回新宿會唔會暖ｄ呢？)

(巴士到了，係時候要告別河口湖，告別富士山了！)

(坐巴士途中見到富士山，等我作最後衝刺，影多幾張相先！)

(坐了差不多兩個小時的車程，去到新宿己經天黑了)

(入夜後，新宿都相當凍，只有3°C！)

在日本新宿的最後一晚住宿是我們自己在網上預定的「新宿     new city hotel」。感謝主，我們到咗新宿西駅四處張望了一陣子，再問吓一個駅前巴士站的站長哥哥，他便指示我們在哪裏等我們酒店的shuttle bus。時間剛剛好，等了約10mins(食哂西北風)，便見到酒店的shuttle bus，順利去到酒店check-in。

(酒店大堂放了兩個好cute的公仔)

這是我們在日本東京的最後一晚，所以我們check in後，匆匆放下行李，便又再出動，去搵食兼行歌舞伎町......

(在東京的最後晚餐勁豐富：咖哩飯＋拉麵套餐)

(日本人相當細心，連湯匙都有防滑設計！)

(食完飯，搞掂埋明天去機場的車票後，便去了新宿名街--"歌舞伎町"行吓)

(初初我哋都搵唔到，但忽然回頭一望就見到歌舞伎町的牌)

(見到有間生果店，本來打算轉頭買ｄ生果返酒店，但走時佢已經收舖了)

其實歌舞伎町係東京著名的燈紅酒綠的地方，所以我都唔敢亂咁拍照，怕俾人打丫嘛！所以行咗一陣便走了，回酒店前，我哋响便利店買了士多啤梨及清酒，打算回酒店慶祝順利來到旅程的尾聲......

(酒店距離新宿駅不算太遠，可以步行<大約15-20mins>，或者坐巴士！)

(最後一晚，我例牌會為戰利品作最後檢閱......)

(Pack好喼後，我們便舉杯慶祝今次愉快的旅程)

今日(Day 6)一早坐吊車上山，中午行河口湖畔，之後又坐了長途車回新宿，晚上又行了歌舞伎町，都係時候休息了。

雖然話明天便要回香港，但我們是坐黃昏機，所以計劃了去築地市場行吓。由於Bonnie要去池袋幫朋友買嘢，而我對shopping無興趣，所以佢建議行完"築地"之後大家自由活動，到2:00pm才匯合坐車去機場。

哦!!?自由活動，去邊度好呢？ 好！一於去遊覽東京名勝：東京鐵塔啦......

(臨時加插行程，等我睇吓點樣去"東京鐵塔"先)

待續......