2011.03.03
昨晚是在新宿的最後一晚，行完歌舞伎町，回酒店執完吓行李，plan埋第二日去東京鐵塔的路線，已經差不多凌晨2:00了。今早又要一早出發去築地魚市場，所以只係瞓得幾粒鐘。唉……呢個Trip的睡眠指數真係強差人意！
講番最後一日行程先！
(第一次租用車站的locker，全自助式！)
之後我哋便出發展開最後衝刺的行程：先去築地魚市場見識一吓，然後大家便分道揚鑣～ Bonnie會去池袋幫朋友買嘢、我去影東京鐵塔、Silver在新宿一帶遊覽。最後大家2:00pm在新宿駅月台集合一齊坐機鐵去成田機場。行程充實，let’s
go……
(坐電車由新宿去築地話咁快就到啦！)
(築地駅月台的浮世繪壁畫)
築地魚市場分“內市場＂同“外市場＂兩個，內市場主要係做批發，而外市場則多為零售及食店。我哋先行內市場……
(一朝早已經好熱鬧了)
(呢度乜都有得賣，食得、唔食得都有)
(築地所有嘢都同魚有關，連叮噹豆沙餅都係魚形，kawaii呢！)
(仲有好多魚販入貨及運貨，非常繁忙)
(都係唔好阻搬運工人做嘢，入去街市，行吓魚檔先！)
(魚檔好多海鮮呀，ｄ魚睇嚟好新鮮喎！)
(嘩，淨係Ｄ魚頭、魚尾都咁大件，可想而知條魚幾咁巨型啦！)
(連八爪魚都超大呀！)
(呢兩條雖然唔係「日本一」，但係都勁大條，いちばん(i-chi-ban)呢)
行過隔離街就去到築地魚市場的“外市場＂，呢度林林總總，乜都有得賣……
(呢邊同內市場一樣，各式各樣乾貨、濕貨，乜都有得賣)
(旅遊書介紹呢間賣「玉子燒」好出名)
(一場嚟到，當然要買件試吓啦)
(甜甜地好好味～美味しい！)
(附近仲有好多其他食店)
(呢位哥哥好落力咁幫ｄ客磨刀)
(Bonnie個friend話呢間Ｄ牛肉飯好正，轉頭試吓先！)
行了一朝，都差不多肚餓了。來到築地，當然要試吓海鮮啦！但係我哋又唔識得好似蔡さん咁叫Ｄ魚檔老闆即劏刺身俾我哋食，所以唯有睇吓邊間食店有さしみ(sa-si-me)食啦！
(嚟到築地，當然要試吓海鮮啦！我哋最後揀咗呢間...)
(我哋好豪咁叫咗個河岸盛二人前(¥2,980) )
(唔知係唔係心理作用呢？真係好鮮甜，好好味啊！)
食完一餐貴夾唔飽的美味刺身午餐後，Bonnie似乎唔多飽喎，佢打算去番剛才那間きつねや牛丼屋食牛肉餅。點知去到已售罄了……
(差不多排到Bonnie時，店員話：是日牛肉飯沽清！)
(呢間都有好多人，似乎都唔錯，但係Bonnie無响呢間食)
之後，我們便離開築地，各自趕往下一站了。臨走之前，我記得旅遊書有影過築地魚市場的牌，我都想幫四葉妹妹影番張類似的「到此一遊」照，但係點解行均幾條街都唔見個牌嘅？我同Bonnie四處張望都搵唔到那個牌。由於趕時間，正當我打算放棄回車站之際，一轉頭便見到那個牌！唏，真低能，原來剛才我哋都有經過那個牌，點解會發覺唔到嘅呢!!?……
(咁辛苦才搵到築地魚市場的牌，當然要影番張相留念啦!)
(好！大家就在此分道楊鑣啦！)
待續......
沒有留言:
發佈留言