差不多去到旅程的尾聲，今日會坐高速巴士由金沢返回名古屋，然後在名古屋市內行吓……
(食完早餐返房，竟然見到有太陽，而且仲曬埋入房添)
我們預約了11:30am的巴士，見仲有時間剩，加上咁好天，V記便上網睇吓金沢有邊處好行。初時佢提議去東茶屋街，但因為唔想嘥錢搭車，而且睇書那裡只係一條保養過的古街，所以唔打算去。最後決定行吓附近一條商店通り就算，但係因為行錯路，商店街就搵唔到嘞(可能太早店舖未開)，誤打誤撞去了"金澤別院"行咗一陣。
(嘻嘻～呢張就係我成功以電郵確認信出到嘅名鉄高速巴士車票喇)
(仲有時間，當然要行吓金沢市啦！沿途見到幾間趣緻的店舖......)
(經過郵便局，入去睇吓先！噢～Kitty當郵差、郵筒當遮架...)
(咦？金澤別院？入去參觀吓先......)
之後，行行吓仲行到去近江町市場添，原來金沢市不是太大，部份景點由金沢駅坐車10mins可達，而步行亦只不過30mins啫！我知道東茶屋街在近江町市場附近，既然係咁……一於行去睇吓啦！
(未入到東茶屋街就見到"東茶屋休憩館"，入面有紀念印chop架！)
(前面就係東茶屋街喇，一班小朋友都一齊去遊覽噃！)
(東茶屋街：一條約二百多米的古街，滿街的兩層傳統木建築物，是京都祇園以外唯一被列為國家指定文化財產的茶屋街)
(古色古香的東茶屋街)
(旅遊景點當然有賣手信的店舖啦)
行完東茶屋街後，因時間不多，我們便坐了一程市內巴士(¥200)返回酒店check
out及去金沢駅前的巴士站準備搭高速長途巴士去名古屋了。
(陽光普照下的JR金沢駅)
(Yeah！終於影埋紅色那款周遊巴士了)
(雖然我哋無坐過周遊巴士，但可以影齊三隻色：紅、綠、藍，好滿足)
(11:30am去名古屋的高速巴士全車滿座，好彩預先在香港上網預訂車票啫！)
巴士準時11:30am開出，展開長達4小時的長途車前往名古屋......
つづく
沒有留言:
發佈留言