2010.03.28(Sun) 氣溫 5-9° C 天陰有雨
飯都食完啦，點解ｄ雨勢一ｄ都無減架？算啦！落雨之嘛，一於照行啦！繼續去下一站～金沢城。
金沢城就在兼六園對面，步行過去只不過3分鐘。金沢城雖然大，但由於落雨及部份地方正在維修中，所以我哋無行哂，主要係行咗城前的草地及"菱櫓．五十間長屋"。如果今日係落雪而唔係落雨，相信景色會靚好多……
(如果城前開滿櫻花一定好靚啫！)
(既然無櫻花，就用色彩繽紛的雨傘來襯托金沢城啦！)
(一入城就見到城前有一片大草地)
(由於落雨，所以我哋無响草地逗留，而直接去"菱櫓．五十間長屋")
(呢度就係"菱櫓．五十間長屋"，入內參觀是需要買票的-- ¥300。好彩，我哋買咗兼六園及金沢城兩用聯票啫！)
(長屋內詳細介紹金沢城的建構)
(金沢城的建築特點是不用釘的，全是用木筍及木栓併合而成)
(由長屋向外望的景色)
望見ｄ雨不停咁falling down，我的心情就Down Down Down…！行完長廊見到咁大雨，都無乜心機行金沢城其他地方喇，所以決定去番巴士站附近的手信店逛吓，希望shopping可以令人cheer up啦！……
(離開"菱櫓．五十間長屋"時，見到有一棵很大的松樹)
(商店街內的店舖售賣各式各樣的富金沢特色的紀念品)
(哈哈～呢樣紀念品係唔係為四葉妹妹而設o架？)
之後我哋就坐巴士返回金沢駅前巴士站，並在JR金沢駅內的商店行吓，順便買定ｄ嘢食回酒店當晚餐。
落雨無乜邊度好去，加上我哋要在4:50pm上網為兩日後回港的機票作網上check-in及劃位，故便返回酒店了。
(金沢JR駅附近另一個富時代感的建設)
(噢～今次見到另一隻色的周遊巴士，綠色就襯哂我啦！)
返到酒店見未夠鐘，我哋就去咗東館那邊睇吓酒店的「大浴場」。上回提過酒店分本館及東館，我們是住本館的，但只有東館設有大浴場，故本館的住客如要浸浴便要過東館。睇完大浴場的格局又搞掂哂網上check-in手續後，便返回房間。
V記話佢不太有興趣去浸浴
(加上佢唔多舒服)，所以我自己一個人走咗去東館大浴場浸風呂 (日文：風呂=沐浴；湯/ゆ＝熱水；溫泉/おんせん=溫泉)。可能時間早(5:30pm)，入到大浴場竟然得我一個。雖然浴場不算大，但係包場喎，咁大個女第一次咋～爽呀！
(哦？無人喎，等我影吓相先～)
浸完風呂回房間食晚餐，之後好悠閒咁睇一陣電視及旅遊資料就瞓了😪！
(是日晚餐～呢隻拉麵底的杯麵好好味呀！😋)
That’s the end of Day 6！今日真係好hea的一天，明天便要離開沢，返回名古屋了！希望天氣轉晴啦……
つづく
沒有留言:
發佈留言