高雄馬拉松之旅～Day 1 (I)

好不容易終於到了出發去「高雄馬拉松之旅」的大日子，由於我是坐10:15am的航班，故一早便出發去機場。雖然今次係Solo Trip，但係我一ｄ都不孤單，因為我帶埋3位“團友”(四葉妹妹、JUN & Woodstock)同行，全程我都忙於充當他們的御用攝影師……

(繼上次東京馬拉松之旅，三傻又再結伴去旅行)

(首先就係坐巴士去機場)

(4/2係年初十三，機場特設農曆年裝飾)

(三傻係free riders，所以無自己的boarding pass)

(第一次坐中華航空的飛機)

(順利mark到窗口位，而且鄰坐仲係無人坐添)

(佢哋真係好忙，又要望窗外風景、……)

(又要忙住睇電視、……)

(仲要忙住食飛機餐添，真係辛苦哂)

今次係我咁大個女第一次一個人坐飛機，短短一小時的機程，一點也不覺得悶，話咁快就到達高雄了。下機時，前坐的男士很好人，他主動幫我從行李架上取下行李喼給我。其實，我咩動作都無做過，而且他的行李並不是放於同一格，亦唔知點解佢會知那個喼是我，但他就是二話不說主動取了行李喼給我!
感謝主，在旅程一開始便為我安排小天使為我提供協助！ 出路遇貴人，Very Nice！

(由於無寄運行李，到達機場便買了張捷運1 day pass直接坐捷運去高雄站)

(高雄的捷運車箱是以綠色為主)

(約25分鐘便到了高雄站，我住的舜鈺商務旅館，非常近車站)

出了捷運站後，我拖著行李喼大約行了約五分鐘仲未見我的旅館，開始懷疑自己行的方向是否正確，於是在街口便停下來打算睇睇地圖。當我在找街道牌碓定自己的位置時，忽然有個男仔走來問我要找哪問酒店，我告訴他之後，他便說：就是轉角那間了。
噢！原來那旅館的門口剛巧有修路工程，所以擋住了我的視線！

感謝主，又有一位小天使出現主動協助我！

(順利到達旅館及check-in)

(到達旅館只是12:40pm，要到1:00pm才可以取房，
故我利用旅館lobby的free internet電郵回家報平安)

呢間旅館真的不錯，又近捷運站、又有免費上網服務、房間潔淨、而且不貴，4日3夜只係HK$660 (雙人房連早餐)，相當值得推介。

(呢間就係我在高雄4日3夜的房間了)

(我最喜歡這個飲水器，不用煲水，熱水源源不絕！正呀～)

安頓好一切之後便要進行今日的主要任務-- 取跑手包。

    待續…