2010.03.24 (Day 2) 氣溫約 3-9°C，天雨
今日上午的主要行程是坐"濃飛高速巴士"由名古屋去高山。雖然我在香港已於網上預訂了10:30am那班車的座位，但要到車站出票及付款(¥2,900)。為免有任何閃失，故我們一早起床，先去巴士站付款出票，到差不多10:00am才斯斯然check out！離開名古屋正式展開日本中部之旅～
濃飛巴士站在名古屋駅側，由於第一晚到名古屋時已經入夜加上落雨，所以無影到名古屋駅對出的地標：JR Central
Tower，今朝補番影！
(JR Central Tower前面那個三角型物體似唔似Kisses朱古力呢？)
(這座藝術學院亦成為新一代名古屋駅前地標，好有線條感！)
(名古屋駅內有金時計及銀時計，俾住金時計給大家睇先，遲ｄ才show銀時計!)
(終於搵到名鉄巴士站入口了，是要上二樓的)
(在巴士站內好不容易才找到賣票的地方)
(好感動呀！第一次憑住網上訂票的確認信，成功出到車票！)
(之後我們見到Nana小姐，佢係一間shopping mall特別設計的巨型icon。Nana小姐會按季節或節日而換上不同的服裝，今期係運動服，好多人慕名來搵她o架！)
影完Nana小姐之後，我們就去便利店買早餐回酒店吃，大約10:00am才check out。然後再返回巴士站準備出發去高山，車程約2.5小時。
(好緊張呀！第一次坐日本的高速長途巴士呀！)
(日本的巴士真係好準時，仲未夠鐘上車，我便到候車室等...... 咦!!? 呢部汽水機印有名古屋城 的圖案，好有日本 feel！等我影底佢先！)
(噢，終於夠鐘上車，乘客要出示車票才可上車)
(司機check票時會在車票上蓋印，落車時就會收取車票。好彩我有影低佢啫)
(Yeah！出發去高山喇！)
(高速巴士好舒服，好似旅遊巴咁，而且仲可以欣賞沿途美景添！)
(可惜唔好天丫，否則沿途景色會更美！ )
大約坐了1小時，去到一個叫"長良川"的地方，司機停了車，給乘客下車唞唞及去廁所。其實車上都有廁所，不過落車伸一伸都無壞丫！
(嘩！中途站有雪糕及小食賣，都唔錯喎！)
中途站的最大收獲是......竟然被朋友V記搵到紀念印。我有集印嗜好，當然第一時間攞本簿出嚟蓋印啦！
(Yeah！日本中部之旅第一個紀念印～長良川)
大約10分鐘後便要上回車，繼續開車前往高山。不經不覺原完來我們已去到一個較高及較北的地方，沿途所見的景色已漸漸出現雪景......
(Wow！不論山上或是路邊都出現了雪的痕跡)
(愈行愈入，路的兩旁積雪便越多)
(日本人相當有公德心，把雨傘勾在車頭司機位側，不會弄濕車廂，更不會隨便拿了別人的傘)
(坐了兩個半小時，終於到達高山巴士總站了)
到達高山仍是下雨，似乎雨雲一直跟住我們由名古屋去到高山！好彩，我們在高山住的酒店好近車站，幾乎一下車就見到。故我們先去check in放下行李才展開高山的行程～
(Yeah! 第一次自己在網上book酒店，並順利check in！)
(高山住的酒店真係好窄、好細)
(Settle down後已經大約1:30pm，第一件事就係去祭五臟廟！)
(食飽飽後，我們便開始遊高山市。這裡的路牌不是豎立在路邊，而是印在地上的)
(圖案咁精美，既有指示作用，又可美化街道，真係唔錯！)
整個下午都落住雨，搞到我影相都無mood！
つづく
沒有留言:
發佈留言