2010日本中部(白川鄉)の旅～Day 1

2010.03.23 (Tue)

快樂的日子過得特別快，一眨眼已經去完日本中部(名古屋、高山、白川鄉、金沢)八天之旅。

感謝主！今次自由行「日本中部(白川鄉)の旅」在交通及住宿各方面總算順順利利，唯一美中不足是天公不造美，大部份日子都是落雨或落雪。又要擔遮、又要揸相機、又要拎四葉妹妹，真係一抽二"lung"，好難拍到好的照片。只好用眼睛作快門，腦袋做菲林，將日本美景攝入記憶之中啦！

事隔7年終於可以再去日本，而且今次係我第一次帶埋四葉妹妹坐飛機去旅行，一定要好好記下這次難得又難忘的旅程......

2010.03.23(Tue)～

正式出發去日本。距離“柬埔寨之旅”剛剛是一個月，今次又是下午機，不過更晏。由於wait唔到早機 (詳見預備篇)，故只好坐4:30pm的機，去到日本中部機場已是當地時間9:00pm <日本比香港快1小時>。

(出發啦！第一次坐龍運巴士去機場，好輕奮呀！)

(坐巴士的途中收到國泰航空傳來的短訊......)

(去到機場會合朋友(V記)及她的團友Sawadi。V記仲有另一位團友，遲ｄ才出場)

(由於是坐下午機，故起飛後也差不多日落西山了)

4小時的機程，空姐(Sorry, 今次係空中少爺招呼我們) 先是派小吃。隔了一會便派飛機餐......

(到達日本時，資料顯示目的地的天氣情況～Wow!!只有9°C ?!!)

一落機就見到好大的入境大堂，原來日本過關是要將兩隻手的食指放在關員前特設的儀器上作記錄，我以前都未玩過！唔知四葉妹妹使唔使打指毛呢？

順利過關後便取回寄運的行李喼，再去塔名鉄JR由空港去名古屋市中心了。

一出了機場便見到案內所 (當晚我去到已經收工了)，再望左手邊就見到自動售票機。名鉄分ミsky特別車(1,200円)、特急(850円)、急行、準急、普通等幾款 (詳見資料篇的JR時間表)。

名古屋JR的自動售票機是認錢唔認路，故一定要入錢先，才開始選擇要買的票值。車票是不會印明目的地，如出閘時發覺買少了錢，可以在精算機補錢。

到達名古屋市中心便見到下雨了，真係唔知用傘遮個頭好定遮個喼好。

好彩酒店距離車站不是太遠，我們終於順利check-in！

Settle down後，V記便攞出她另一位團友--青蛙王子......

(嘻～今次旅程仲有呢班團友同行，大家要好好相處呀！)

由於今日主要係坐飛機由香港去日本，故Day 1的行程便到此為止。要早點休息，明天一早坐高速巴士去高山，正式展開日本中部之旅...

つづく