2010.03.27 (Sat.) ～天晴
由於行錯路兜了個大圈，好不容易才去到展望台啊！對我來說行40多分鐘上山之路不算太辛苦，但對V記來說就可能比較辛苦，因為佢要帶住Sawadi同埋一隻成個枕頭咁大的的團友(青蛙王子)上山，仲要揹住部大相機～真係攞哂命！
不過即使辛苦都係值得的，因為上到展望台可以飽覽由59間合掌屋群組成的「白川鄉及荻町村落」，非常美麗……
(Yeah! 終於到了)
(可俯瞰整個合掌村)
(整條合掌屋村盡入眼簾～正！)
（有些人正在修葺屋頂，很有趣啊！)
展望台有兩位人兄企咗响最有佳的位置，如果遊客想拍照，可以俾部機佢，佢可以代勞，但同時他亦會用佢自己的相機幫你拍照。當你離開時，你的照片便已被列印出來，當然買唔買就隨得你啦！
(V記買了那人兄幫我們拍的照片¥1,300)
在展望台睇夠之後，我們便落番山腳，前往「和田家」參觀。今次無行錯路了，不用廿分鐘便去到和田家了。
和田家是區內最大的合掌屋之一，已被列為國家指定重要文化財產，並開放給遊客進內參觀。入內可進一步了解合掌屋建築結構的特色，原來合掌屋建構的秘密是當中全用樑柱及結繩支撐，不用一根釘子牢固。此外，用茅草把屋頂建成合掌形狀，是為了方便冬日卸雪，更重要是要讓茅草受到均勻日照及抵受冬日由北風吹來的大量飄雪，屋頂一面朝東，一面朝西方向建造，不能向北，否則冬天北風吹來積雪，便會把屋子壓垮。
(在山腳回望剛才行得咁辛苦才上到去的展望台)
(近距離看看人家修葺屋頂的情景)
(無行錯路，話咁快就到達「和田家」了)
(和田家的正面)
(入場需要買票，入場費：¥300)
(連募捐箱都係合掌屋形，有趣有趣)
(合掌屋全是用這些結繩方法＋樑柱搭建而成，非常堅固)
(從和田家望出外的風景)
(臨離開和田家之前，V記不忘為青蛙王子影相)
(之後我們便出番去商店街行逛，見到一個用鋪屋頂的稻草造成的草球)
(而另一間屋前更有一系列宮奇駿卡通擺設添！)
(商店街有不少小食賣，呢間賣飛驒牛饅頭)
(而我就揀咗响呢間店舖買 "合掌屋紅豆燒餅" )
(商店街內的店舖售賣各式各樣的精品)
(當然唔少得合掌屋形的精品......)
(同埋寫有 "白川鄉" 的さるぼぼ)
(行番出去巴士站的沿途，見到不少合掌屋，不停的影影影)
(連坑渠蓋我都唔放過)
("幸エ門" 是一間很有名的民宿)
(這是另一間民宿)
行了一會兒，出番巴士站已經大約1:30pm了，只怪花了太多時間行上展望台啦！由於我們預訂了1:50pm的巴士去金沢，所以無時間去「合掌造リ民家園」參觀 (入場費：¥500)。早知天氣咁好、又咁多嘢行就預訂4:50pm那班車啦…！算啦～
仲有少少時間，行吓巴士站附近的商店先！
(可惜我哋無時間去呢個由二十五幢合掌屋組成的「合掌造リ民家園」丫)
(呢間店舖有嘢食、又有手信賣、又近巴士站，所以好旺o架)
(哈！真係飛驒牛)
(嘩！好大個白川鄉さるぼぼ呀！)
(呢度都有兩個好大的さるぼぼ！)
（係兩個定係三個呀？哈哈哈～）
(夠鐘開車去金沢喇！ 丫…差點忘記去案內所取回行李喼添！)
雖然唔夠時間參觀「合掌造リ民家園」及「かん町」有點美中不足，但今日可以在陽光普照的天氣下暢遊白川鄉，總算圓了我的心願，Thanks God！希望日後有機會再來白川鄉啦......
是時候出發去金沢了，希望接著的旅程都有好天氣，可以看到櫻花啦！
つづく
沒有留言:
發佈留言