2010.03.27 (Sat.) ～天晴
由白川鄉坐車往金沢只需約1小時15分鐘，但因為到金沢市時塞車，故阻延了10多分鐘才到金沢駅前巴士站。落車後，我們便先去旅館放下行李。我們住的旅館(金沢セントラルホテル)分本館及東館，在網上預約時它自動assign了我們住本館(舊ｄ)。初初check-in時，服務員不懂英文，又好似找不到我們預約的紀錄......，好彩後來有一個年青ｄ的女職員(略懂英語)幫手，最終都找到我們預約的資料，順利check in。Thanks God！
(第一次在日本遇上塞車的情況)
(這便是我們在金沢兩晚的酒店房間)
Settle down後，我哋就搭市內觀光巴士去近江町市場。
(觀光巴士每程車費¥100，無須買票，落車入錢！)
(其實近江町市場距離金沢駅不太遠，約10分鐘車程便到了)
(近江町市場的街市(G/F)於5:00pm左右就收檔，其他樓層的商店就開到8:00pm)
(近江町市場以售賣海鮮而著名，街市相當大)
(街市內有很多海鮮檔，賣蟹的攤檔多不勝數)
(除了蟹之外，仲有其他海鮮及海產)
(街市當然有蔬菜及其他東西賣啦！)
(街市內各式各樣的攤檔...)
行到大約5:30pm，好多檔舖都陸續收檔，所以我哋上咗2樓睇吓有咩食市食晚餐，但係唔多啱心水。於是我哋返回樓下，打算買ｄ魚生回酒店食。
行行吓，V記見到有一間店舖有好多人，我哋入去湊熱鬧才知原來到了半價時段(某些店舖會於收舖前將食物半價發售)。睇卡通片經常見花師奶搶半價品，估唔到今次我都有份搶埋一份。
(上到二樓見到有幾張好得意的poster，Cute!)
(樓上望向樓下街市，見到一些店舖己收檔了)
(除了搶購半價寿司之外，我哋仲去生果檔買了一盒士多啤梨添！)
離開近江町市場後，我們便返回金沢駅行吓！見到有案內所，於是便入去睇吓有無咩資料攞......
(案內所的佈置好有金沢特色，仲有雨傘借添！)
(呢塊板清楚介紹金沢市內的巴士種類及車費)
(金沢駅內有不少商店售賣各式各樣手信......)
(咦～ 鹽都可以當枕頭？Snoopy幫手sell鼓油? 夜用......香口珠?)
行行吓，見到JR閘口對上掛著一幅好可愛的大Banner--金沢城前有一群很得意的菇菇。全靠呢張大Banner吸引我行過去拍照，才發見原來JR金沢駅都有紀念印
(Yeah! 又有印蓋)
(之後我們返回酒店，途經濃飛巴士站。見到有人擔遮就知道又開始落雨了！)
(今晚豐富的晚餐：三文魚魚生、半價寿司、飯後果士多啤梨)
今日在白川鄉行咗成朝，下午又在近江町市場行咗成兩個鐘，真係夠哂皮了。明天的行程不算太緊密，只plan了輕輕鬆鬆遊金沢--兼六園及金沢城......
つづく
沒有留言:
發佈留言