我們是坐11:40am的濃飛巴士離開不停下雨的高山，唔知去到平湯會唔會好天呢？......
(濃飛高速巴士總站有好多條路線，去平湯的巴士站是5號巴士站)
(候車室的自動售賣機印有白川鄉圖案，好靚呀😍)
(V記買咗燒丸子 たこ燒き)
(噢，車嚟啦，真係好準時喎！)
(盒燒丸子一於帶上車食啦！)
(車程初段，只見雨景......)
(到咗車程中段，已經開始見到雪景了！)
(雪景越來越多)
(一小時車程，話咁快就到咗平湯站)
(他們撐著傘不是因為下雨，而係......落雪呀💕！)
(你睇我個袋～ 一落車已經有好多飄雪歡迎我哋喇！)
(仲有雪人來接四葉妹妹車添！)
(咁凍～緊係入去巴士站的商店行吓先啦)
其實"奧飛驒乘車套票"包括的免費浸溫泉就是在車站的商場三樓，但由於我們住的旅館都有溫泉，所以我哋無在此浸。
我見呢度有得賣「飛驒牛串燒」，睇書話「飛驒牛串燒」好好食，所以我同V記就一人買了一串。在等候舖頭的大嬸燒串燒時，我同V記去咗影隔壁舖的巨型飛驒寶寶(上圖)。點知當大嬸燒好牛串後，佢搞錯咗將我哋果兩串俾咗一個只叫了一串的女仔，當發覺時，那女子已經上了巴士。她只好無奈地燒過另一串給我們！
(飛驒牛串燒沒有我想像中好味，肉質有點靱)
(案內所就在巴士站對面，側面仲有一間外形特別的警局)
(一於入案內所攞番張地圖及其它資料，順便睇吓有無紀念印蓋先！)
(Wow～不單止有印，佢仲有三款咁多添！咦？櫃檯有一個電子鐘，有天氣預告喎！豈有此理，之前之後的兩天都有太陽，但我逗留的兩天竟然係陰天😭！)
(旅館距離巴士站及案內所很近，徒步約5分鐘，沿途景色相當清幽)
(Yeah! 終於到了平湯館)
由於平湯館好大好靚，我影了很多相，留待下一篇Blog 一次過上載旅館的照片。下回繼續平湯之旅的主打活動-- 浸溫泉及吃豐富的飛驒晚餐......
つづく
沒有留言:
發佈留言