今日的行程是：高山→ 白川鄉→ 金沢
全因為想到白川鄉睇合掌屋，才有今次「日本中部之旅」的產生，所以今日的行程絕對是這次旅程的重頭戲。
由於我們打算坐8:50am那班車由高山往白川鄉；而白川鄉往金沢的車只有兩班 (13:50 / 16:50)及需預約，故昨晚我們回酒店前，已預先去巴士站買好了今天的車票及早餐，以便一早出發......
(大家睇吓，就係靠呢兩張車票由高山→白川鄉→金沢o架喇！)
(簡單的早餐：麵包+奶茶)
(8:15am check out後，仍有時間剩，故在附近的街道行吓)
(之前影的地下路牌都是有雨水，今早天氣很好，終於可以影到乾的路牌了)
(我昨晚都有玩扭蛋機，本來想扭齊一套pins，但扭了許多次都係"朝市"那款)
(約8:30am, 商店陸續開門了)
(嘩～好大個さるぼぼ呀！大到連喼都放唔落呀，唔怪得之無人攞佢哋走啦！)
(去濃飛巴士站側的JR高山駅睇吓有無紀念印先)
(Yeah！搵到喇！)
(JR高山駅的候車室內設有小食店，仲有好cute的飛驒寶寶便當添！)
(呢架就係高山的JR火車了)
(巴士準時8:50am到達，出發去白川鄉......)
(今日天清氣朗，加上往白川鄉的沿途風景優美，一流呀！)
(高山去白川鄉，只需約一小時的車程)
(一落車就見到合掌屋式的案內所)
(案內所有設儲物櫃，但由於我們的行李喼太大放不下，故要交案內所職員代為存放，每件行李¥300)
(在案內所除了寄存行李外，當然唔少得蓋紀念印啦！)
(離開案內所，見到有一班當地人的旅行團在影大合照)
(四葉妹妹都要影番張到此一遊照)
(2010年3月27日，我終於夢想成真，親身到白川鄉看世界文化遺產的合掌屋！)
(很感動啊～多個月來的籌劃，如今白川鄉的合掌屋實實在在的展現眼前了)
(這條看似吊橋，但其實是由很穩陣的石屎建成的)
(過了橋之後，便是商店街，兩旁的店舖或民宿全是合掌屋式的)
(合掌屋A形的屋頂設計有助避免積雪，由於昨晚下雪而今早天晴，故我們可以見到屋頂一邊有雪，而另一邊(向東)已沒有積雪了)
白川鄉其中一個必去景點是在小山丘上的荻町展望台，可以坐穿梭巴士(¥200)上去。由於旅遊書話步行亦只不過20分鐘，所以我們便打算一邊睇景，一邊步行上山。但係我哋行咗成45分鐘有多都仲未到，唔通我哋行錯路？～
(沿著大路一直行上山)
(中途見到有人在修葺屋頂的禾稈草)
(咦？點解愈行愈少人嘅)
(我哋行咗半個鐘有多了，點解仲未到o架？)
(好似好荒蕪咁嘅，唔通行錯路 !!??)
(吓！仲要行600m咁遠，又話20分鐘路程！！？？)
(越高就越凍，連草都結冰)
(係唔係到喇？點解唔多似嘅？噢，睇真ｄ，係有個"→"o架......)
(究竟仲要行幾遠呀？)
(嘩！白茫茫一片雪地，我哋係唔係行咗去瑞士呀！)
(行行行．．．終於到了！)
究竟點解廿分鐘的行程，我哋會行咗咁耐！？
其實係因為我哋唔知原來"和田家"後邊有一條小路接駁大斜路上展望台 (下圖藍色虛線)，而一心諗住行到穿梭巴士站才轉入小路上山(紅色虛線)，但係又傻吓傻吓錯過了入小路的路口，一路跟咗車路直行(橙色虛線)，所以咪行多咗兩倍時間囉😓！
真係行到索哂氣！依家講番都講到索哂氣，留番下一篇blog才繼續寫上到展望台的情況啦......
つづく
沒有留言:
發佈留言