2010.03.25 (Day 3)
一早起來立即走去窗邊睇吓仲有無落雨......Oh! Still
Raining😭
不過,我係唔會俾d雨阻到我要出去觀光的決定嘅!早上7:00,我們便出發去宮川朝市,然後再去車站買車票去平湯。
(酒店好近高山駅,在房間的窗可以清楚望到)
(去高山宮川朝市的途中,見到一間專賣女兒節公子的店舖)
(而呢間就專賣貓頭鷹)
(太早,好多店舖都未開門,呢間玩具店我幾次經過都無開門)
(宮川朝市對出的鍛冶橋)
(朝市對出的小攤檔,專賣地道小食--五平餅)
(旅遊書說呢個檔係由一位近90歲的婆婆主理,但今日卻由伯伯看檔)
(五平餅的質感類似日本年糕,伯伯燒得好香,食落甜甜地,好好味)
(高山有兩個著名的朝市,一個係陣屋朝市,另一個宮川朝市)
(朝市其實主要是賣漬物、蔬菜等的露天街市)
(一般朝市的開檔時間是0700-1200,平日朝市是很熱鬧的......)
(...可能因為今日落雨,所以場面冷清清,只得幾檔攤檔)
(露天攤檔除了賣漬物,還有賣糕點及小精品)
(朝市的街道,一邊是露天檔,另一邊是賣手信的店舖)
(講到手信又點少得飛驒寶寶さるぼぼ呢)
(......仲有合掌屋精品...)
(當然有不少貓頭鷹擺設啦)
(呢d"不求人"有老公公老婆婆做裝飾,送俾長者就啱哂啦!)
(飛驒高山祭的屋台模型,好型呀!)
(呢間合掌屋模型fit哂四葉妹妹,可惜太bulky好難pack喼,無買!)
(佢哋簡值當飛驒寶寶係招財貓,連收銀機都放一個)
(行完幾間店鋪之後,可能已經比較晏,終於見到d人氣)
(離開宮川朝市,路上見到有一個好巨大的飛驒寶寶石像)
(飛驒寶寶真係無處不在,連警察都做埋)
(由宮川朝市往巴士站的途中,經過國分寺)
(寺內掛有很多許願的さるぼぼ)
(由於落雨,所以我哋無入到去國分寺參觀,只在門前影吓dさるぼぼ)
(離開國分寺的路上又見到另一款地上路牌😍)
(到達JR駅側的濃飛巴士站)
我們打算搭11:40am的巴士去平湯,翌日便去新穗高坐吊車,故購買"奧飛驒套票¥5,000,包括2日任搭來回高山至新穗高的巴士、新穗高吊車及免費溫泉券
(而我就善用時間同四葉妹妹影吓酒店lobby的擺設)
大約11:20am,我們便將行李喼寄存在酒店,只帶著一晚的行李輕裝上路,向平湯及新穗高進發~
(暫別酒店--カントリ-ホテル高山,過兩日由新穗高回來會再入住此酒店)
平湯距離高山雖然只是一小時的巴士車程,但景物卻與高山有很大的分別......
つづく
沒有留言:
發佈留言