2010日本中部(白川鄉)の旅～Day 6(I)

2010.03.28(Sun)   　氣溫 5-9° C   天陰有雨

唔知係唔係因為昨日行白川鄉太辛苦呢？V記今日病病地，食了藥之後就呆呆地。由於今日是星期日，電視台播卡通片。V記竟然話佢唔介意留嚮酒店睇卡通片。佢緊係病到傻咗，佢唔記得今日係去兼六園睇佢好恨睇的櫻花咩!!??

可能因為日本天氣太乾燥，所以佢有少少喉嚨痛及鼻塞！好彩唔係好嚴重，所以我哋在酒店食完早餐就出發去兼六園 睇V記至愛的櫻花了！

(星期日朝早，電視播卡通片，搞到都唔知去玩好定係留响酒店睇電視好)

 ( 一泊一食<¥8,000/Rm>，酒店的自助早餐不算太豐富)

9:00am我們便出發搭巴士去兼六園，巴士站在JR金沢駅側。雖然金沢有「小京都」的雅號，但它亦有其現代感的一面，由JR金沢駅的現代化的建築設計可見一番。

(好有時代感的JR金沢駅)

本來我們計劃買1 day pass乘車券¥500，但後來知道星期六、日及公眾假期有另一款巴士<每程¥100>似乎更化算，所以無搭到呢款周遊巴士

(星期六、日及公眾假期搭另一款巴士較周遊1日巴士化算)

(周遊巴士有三隻色--紅、藍、綠，今日只見到藍色，遲ｄ俾埋另外兩款大家睇)

(我們就係搭呢款只在星期六、日及公眾假期行走的兼六園特別巴士)

(每20分鐘一班，我們坐9:30am最早那班車)

(半小時車程便到達兼六園石川門站)

(我們買的是兼六園及金沢城兩用券¥500，比起散買兩邊的入場券平了¥100)

 (入兼六園之前，見到有人帶住兩隻狗散步，隻秋田犬好靚啊！)

(兼六園以其具有「宏大、幽邃、人力、蒼古、水泉、眺望」六種特質而命名)

(眺望台～ 可遙望整個金沢市)

(其實因為天氣仍很冷，所以好多櫻花都未開......！咁難得見到山下有兩棵櫻花樹開咗花，等我Zoom近ｄ先)

(去兼六園一定要影"徽軫燈籠"，因為呢款兩腳燈籠在日本只剩餘不多於5個)

(月見橋)

(唐崎松)

(ｄ樹太大，怕下雪時會塌下，故起了一些支柱橕住)

(雁行橋)

(熊谷櫻～ 可惜未開花😭)

(菊櫻～ 都係未開花😭😭)

(其實睇櫻花BB(花蕾)都幾得意丫！)

(根上松～ 好巨型的根部啊！)　

(行到攰攰地，坐低唞吓先！)

兼六園真係好大(面積達11萬平方米)，設有池塘、噴泉、瀑布、溪流等景觀，配以松、梅、櫻等植物，加上亭、台、樓、閣等建築，確實有不同的特色及美態。如果可以配以櫻花或雪景，相信一定更美。雖然我們在兼六園見唔到櫻花盛放的情景(一般是4月初)，但我們有幸欣賞到"早春梅"！下篇Blog同大家分享兼六園其餘的園景及"早春梅"的美艷...... 

つづく